ബാല്‍ക്കണി കണി

ഫ്ലാറ്റിലെത്തി ബാല്‍ക്കണി തുറന്നപ്പോഴ്, 2 കൊല്ലം മുമ്പ് വച്ചിട്ട് പോയ ചെടികളില്‍ ചിലപ്പോഴ് മാത്രം സ്നേഹം തോന്നി വീട് വൃത്തിയാക്കിരുന്ന ചിന്നമ്മ വെള്ളം തളിച്ച് പരിപോഷിച്ച് പോന്നു. ഈ വെള്ളം ചിതറലില്‍ ചിലത് തളര്‍ന്നും, മറ്റുള്ളവ പിടിച്ചും നിന്നും. മഴ കാരണമാവും, ഇറ്റിയിറ്റ് വീഴുന്ന തുള്ളികള്‍ നക്കിയെടുത്ത് മണിപ്ലാന്റ് മാത്രം തഴച്ച് വളര്‍ന്ന്, ബാല്‍ക്കണിയില്‍ നിന്ന് ഉയര്‍ന്നു. അല്പം മരപ്പണിക്ക് പുറപ്പെട്ടപ്പോഴ്, അവരു പറഞു, ഈ പടര്‍പ്പ് ഈ കുടുസ്സ് ബാല്‍ക്കണിക്ക് തടസ്സം തന്നെ, അല്പം ചെട്ടി മാറ്റി വയ്ക്കാം. അത് ഒരു വലിയ പ്രയത്നം തന്നെയായിരുന്നു. അതിന്റെ ഇടയ്ക്കാണു, അപ്പു ചിരട്ട പോലെ വട്ടത്തിലുള്ള കുഞി കൂട് കണ്ടത്. ഒരു കുഞിവട്ടത്തിലുള്ള ഏത് ആര്‍ക്കിട്ടെക്കിനേം വിസ്മയപെടുത്തുന്ന രൂപത്തിലുള്ള ഒരു കൂട്. ഒന്ന് കൂട് എത്തി നോക്കിയപ്പോഴ്, അതിലു രണ്ട് കുഞ് മുട്ട. അല്പം നേരം എല്ലാരും തിരിച്ച് പോന്നു. ബഹളം ഒന്ന് അടങ്ങിയപ്പോഴ്, ഒരു ചുവന്ന ചുണ്ടുള്ള കിളി കൂട്ടില്‍ വന്നിരുന്നു. പിന്നെ പലകാരണങ്ങളാലും മരപ്പണി മുടങ്ങി. കിളിയും കൂടും മണിപ്ലാന്റിനും സൌഖ്യം. എന്നും പല നേരങ്ങളിലും കിളി വന്ന് കൊണ്ടിരുന്നു. കീ.. ക്കീന്ന് ശബ്ദമുണ്ടാക്കി നമ്മളെ വിളിക്കും. അത് എന്തിനാണെന്ന് വച്ചാല്‍, ഞാന്‍ വന്ന്നിരിയ്ക്കുന്നു, ബാല്‍ക്കണി അടച്ച് എനിക്ക് പ്രൈവസി തരൂന്ന്. ഓഹ് ശരി കിളിയേ, നീ സ്വസ്ഥമായിട്ട് മുട്ടയ്ക്ക് അടയിരിയ്ക്കൂ വിരിയിയ്ക്കു.

പണിക്കാരു പറയുന്നു, ചട്ടിയോടേ മാറ്റിയിട്ട് വള്ളികള്‍ പുറത്തിട്ടാല്‍, കിളി അവിടെ വന്നോളുമ്മ്, പണി കഴിയുമ്പോഴ് തിരികെ എത്തിയ്ക്കാമെന്ന്. ഇന്നലെ എല്ലാംകൂടി മാറ്റി, അപ്പറ്രത്തേ വീട്ടീലെ ബാല്‍ക്കണിയിലു വച്ചു. വള്ളികള്‍ പുറത്തിട്ട് കൂട് അല്പം കാട്ടി കൊടുത്ത് കിളിയ്ക്ക്. സുഖം സൌഖ്യം. ചുവന്ന ചുണ്ടന്‍ അല്പം പരിഭവം കാട്ടിയെങ്കിലും, എല്ലാം ബാക്ക് റ്റു നോര്‍മല്‍!