സ്വന്തം പച്ചപ്പ്

ദുഫായിലെ പ്രവാസ ജീവിതത്തില്‍, ഏറ്റവും കൂടുതല്‍ മറ്റു കാര്യങ്ങള്‍ക്കൊപ്പം പരിതപിച്ചിരുന്നത്, ഒരു പച്ചപ്പുള്ള എന്തെങ്കിലും ഒരേണ്ണത്തിനു തെഇ വച്ച് പിടിപ്പിയ്ക്കാന്‍ പറ്റാതിരുന്നതാണു. തുളസീം, ബട്ടണ്‍ റോസും, ഉടനെ ഉടനെ പൂത്ത് മലരുന്ന ഡാലിയയും ഒക്കെ കൊണ്ട് വച്ച്, ഒരാഴ്ച കഴിയുമ്പോ എന്തെങ്കിലും കാരണം കൊണ്ട്, ചൂട് തന്നെ ആദ്യത്തെ വില്ലന്‍, പിന്നെ പറമ്പ് ഇല്ല്യായ്മയും, അവയൊക്കെ കരിഞ് പോകുമായിരുന്നു. ദോഷം പറയരുത്, അപ്പറത്തേ ബില്‍ഡിങിന്റെ പറമ്പില്‍ പാട്ടത്തിനെടുത്ത പോലെ, ഒരു മുരിങ വളര്‍ത്തിയിരുന്നു.!!

നാട്ടിലെത്തി, ഒന്ന് സെറ്റില്യായപ്പോഴ് മുതല്‍, കുറേശ്ശേ കുറേശ്ശേ ചെടികള്‍ വയ്ക്കാന്‍ തുടങ്ങി, ഏറ്റവും മുകളിലത്തേ നിലയായത് കൊണ്ട്, ടെറസ്സ്, മൊത്തം എന്റെ എന്ന പോലെ ഉപയോഗിയ്ക്കാന്‍ കഴിയും. അവിടേമ്മ്, ബാല്‍ക്കണീം ഒക്കെ വച്ച നട്ട് വളര്‍ത്ത ചെടികള്‍. അവസാനത്തേത്ത്, വെയില്‍ കൂടി പോയിട്ട്, പടമെടുത്തപ്പോഴ് പറ്റിയ പറ്റാണു. അത് വെറ്റില കൊടിയാണു.