ഗുണദോഷ പരിഹാര മാർഗ്ഗം..

ചില ദിവസം അപ്പൂന്റെ അരികിൽ കിടന്ന് രാത്രി ഞാൻ സ്കൂൾ വിശേഷമൊക്കെ ചോദിക്കാറുണ്ട്‌. ഇന്നലെ അവനായിട്ട്‌ പറഞ്ഞു. “ ഡയറീലു ഒപ്പു വേണം, ടീച്ചർ നേ കുച്ച്‌ ലിഘാ.... ...

ഓ.... ഞാൻ കരുതി, ആദ്യേ, ദോശ പൊതിഞ്ഞ അലുമൂനിയം ഫോയിൽ പേപ്പറിൽ കല്ലു പൊതിഞ്ഞു ആരെങ്കിലും നെറ്റി പൊട്ടിച്ചുണ്ടാവും.. പരാതി ഒഴിഞ്ഞിട്ട്‌ സമയമില്ലാ, ഡയറീലു കോളവും കമ്മി...

ഫിസിക്സ്‌ പീരീഡിലു, ചില കുട്ടികൾ ടൊയ്‌ലെറ്റിൽ പോകാൻ ചോദിച്ചപ്പോ, കുറച്ചു പേരെയൊക്കെ വിട്ടൂ. പിന്നെയും തുടർന്നപ്പോ, മിസ്‌ പറഞ്ഞൂന്ന് "ഇനി മുതൽ, ടൊയ്‌ലറ്റിലു പോണ്ടവരു കൈ പൊക്കിയാ മതി"

അതുല്യേടെ അല്ലേ അപ്പൂ..... അവൻ പറഞ്ഞൂന്ന്..... മിസ്‌ മിസ്‌... കൈ പൊക്കിയാ ഹൌ വി ക്യാൻ ടു ശൂ.. ശൂ.....? വി വാണ്ട്‌ ടു ഡു ഇൻ ദ നോർമൽ വേ... മിസ്‌......

പ്രതികരണശേഷീന്നോ ഗുരുത്വക്കേട് വാങ്ങൽന്നോ ഇതിനെ പറയ്യ്യാ... .. ആരെങ്കിലും ഒന്ന് പറഞ്ഞു തന്നാ...