പെട്ടെന്ന് എഴുതി തീര്‍ത്ത കഥ - 29

കോളിംഗ്‌ ബെല്‍ ശബ്ദം കേട്ടതും, സുമിത്രയ്ക്‌ ആധിയായി. ഡോര്‍ വ്യുവറില്ലൂടെ നോക്കിയപ്പോ, അവള്‍ ആകെ അന്ധം വിട്ടു. സോമേട്ടന്‍!! .

രാവിലെ ജോലിക്ക്‌ പോയിട്ട്‌ ഇത്ര പെട്ടന്ന് അര മണിക്കുറില്‍ എങ്ങനെ തിരിച്ചു വന്നു? എന്തു കൊണ്ട്‌? വൈകുന്നേരമേ വരൂ എന്ന ധൈര്യത്തില്‍ അല്ലെ, കിരണിനെ വിളിച്ചത്‌? താഴെ കാണുമ്പോഴുള്ള സ്നേഹപ്രകടനം നടക്കുമ്പോ തന്നെ, സോമേട്ടന്‍ പറയാറുണ്ട്‌, ഇത്‌ ഒന്നും നമുക്ക്‌ ചേരുന്നതല്ലാ, ഇതു ശരിയാവില്ലാ, ഇനി മേലാല്‍..... എന്നിട്ടും, കൂസലില്ലാതെ ...

അകത്ത്‌ കിരണ്‍... പുറത്ത്‌ സോമേട്ടന്‍....

അവള്‍ക്ക്‌ ശ്വാസം മുട്ടി. കോളിഗ്‌ ബെല്‍ പിന്നെയും പിന്നെയും ശബ്ദിച്ചു... കിരണിനെ എങ്ങാനും വീട്ടിനുള്ളില്‍ വച്ച്‌ സോമേട്ടന്‍ കണ്ടാല്‍.... പക്ഷെ വാതില്‍ തുറക്കാതെ വയ്യല്ലോ, അവള്‍ പതിയെ വാതില്‍ തുറന്നു.

"ഞാന്‍ ലാപ്റ്റോപ്‌ എടുക്കാന്‍ മറന്നു" പകുതി വഴിയ്ക്‌ മടങ്ങി.

അവള്‍ ഒന്നും ശ്രദ്ധിച്ചില്ല. എന്താ നീ ഒരു മാതിരി??

എല്ലാ ധൈര്യവും സംഭരിച്ച്‌ അവള്‍ പറഞ്ഞു, "കുര്യന്‍ അങ്കിള്‍ ഫാമിലി, പള്ളിയിലു പോയപ്പോ, അവര്‍ കിരണിനെ ഇവിടാക്കീട്ട്‌ പോയി. അകത്തുണ്ട്‌."

"കൊണ്ടുവന്നാക്കിയത്‌ ഒക്കെ ശരി, ആ നശൂലമെങ്ങാനും കാര്‍പെറ്റ്‌ മുള്ളി കേടാക്കതെ നോക്ക്‌ നീ. ഞാന്‍ ഉച്ചയ്ക്‌ ഉണ്ണാന്‍ വരുമ്പോഴേയ്കും അതിനെ വാച്ച്മമാനേ എേപ്പിച്ചേയ്ക്‌, ചെവി തല കേക്കാതെ അതിന്റെ കൊര കേട്ടാ, ഒരലപം കിടന്നിട്ട്‌ പോകാംന്ന് വച്ച അതു നടക്കില്ല"