പെട്ടന്ന് എഴുതി തീർത്ത കഥ - 28
“നമ്മുടെ മോൾടെ വിവാഹമാണു 22 നു. നിങ്ങൾ എങ്ങനെയെങ്കിലും വിവാഹത്തിനെത്തണം, അവളെ കൈ പിടിച്ചിറക്കി കൊണ്ട്‌ പോകുന്നത്‌ നിങ്ങൾക്ക് കാണണ്ടേ? തീർച്ചയായും എത്തണം."
അവൾ കത്തെഴുതി പോസ്റ്റ്‌ ചെയ്തു.
അവൻ തിരിച്ചും എഴുതി. " 20 വർഷം മുമ്പ്‌ ഇവൾ വയറ്റിലായപ്പോ വിട്ടിട്ട്‌ വന്നതല്ലേ ഞാൻ? ഇനി ഒരു തിരിച്ചു വരവ്‌ വീട്ടുകാർ എങ്ങനേ കാണും? അതു ഈ ചടങ്ങിനു? ശരിയാവുമ്ന്ന് തോന്നുന്നില്ല.
കല്ല്യാണ ദിവസം. അവളുടെ മനസ്സ്‌ വേവലാതി പൂണ്ടു. അവൾ ചടങ്ങുകളിലോന്നും ശ്രദ്ധിയ്കാതെ അവനെ തിരഞ്ഞു കൊണ്ടിരുന്നു. താലി കേട്ട്‌ കഴിഞ്ഞിട്ടും അവൻ എത്തിയില്ല. അവളുടെ കണ്ണിരു കണ്ടിട്ട്‌ ഭർത്താവ്‌ പറഞ്ഞു, " നീ എന്തിനാ ഇങ്ങനെ വേവലാതി പെടുന്നത്‌, അതു കൊണ്ടല്ലേ നമ്മുടെ മോളേ ഞാൻ, ഈ രണ്ട്‌ ബസ്റ്റോപ്പ്‌ ദൂരത്തിലോട്ട്‌ പറഞ്ഞ്‌ വിടണത്‌, നമുക്ക്‌ എപ്പോ വേണമെങ്കിലും പോയി കാണാല്ലോ".
posted by അതുല്യ at 2:12 PM
|
12 comments
